უკრაინის სასაზღვრო სამსახური რუს ჟურნალისტებს, რომლებიც ოკუპირებულ ყირიმში უნებართვოდ ჩავიდნენ, „ევროვიზიის“ მუსიკალურ კონკურსზე არ დაუშვებს,-ამის შესახებ Facebook- ის გვერდზე უკრაინის შინაგან საქმეთა მინისტრის მრჩეველი, ანტონ გერაშენკო წერს.
“არც ერთი რუსი ჟურნალისტი, რომელიც „ევროვიზიის“ კონკურსისთვის კიევში აკრედიტებულია და რომლებმაც ადრე სახელმწიფო საზღვარი დაარღვიეს, უკანონოდ იმყოფებოდნენ ყირიმში, ჩვენი ქვეყნის ტერიტორიაზე არ დაიშვება”, – წერს იგი.
“ევროვიზიის” კონკურსის გარშემო სკანდალი მას შემდეგ ატყდა, რაც უკრაინის ხელისუფლებამ რუსეთის მონაწილე, იულია სამოილოვა ქვეყანაში არ შეუშვა. ოფიციალური კიევის განმარტებით, ის უკრაინის ხელისუფლების უნებართვოდ, ოკუპირებულ ყირიმში იმყოფებოდა. კონკურსის ორგანიზატორები კიევზე ზეწოლის მოხდენას ცდილობდნენ, მაგრამ უკრაინამ გადაწყვეტილება არ შეცვალა.
კონკურსის ხელმძღვანელმა, ფრანკ-დიტერ ფრაილინგმა პირობა დადო, რომ სანქციები არა მხოლოდ უკრაინას, არამედ რუსეთსაც დაუწესდება რადგან, მას შემდეგ, რაც უკრაინამ რუსი მონაწილის ქვეყანაში შეშვებაზე უარის განაცხადა, რუსეთის “პირველმა არხმა” კონკურსის ჩვენებაზე უარი განაცხადა. ჯარიმების თაობაზე გადაწყვეტილებას საორგანიზაციო კომიტეტის ხსდომაზე მიიღებენ, რომელიც 12 ივნისსაა დაგეგმილი.