ფაქტია, რომ „ნაციონალური მოძრაობა“ უკვე წლებია ჩართული ანტისახელმწიფოებრივ საქმიანობაში და მათი საქმიანობა დაკავშირებულია პირდაპირ, ქვეყანაში სიტუაციის არევასთან, სახელმწიფო გადატრიალებასთან, – განუცხადა ჟურნალისტებს კულტურის საპარლამენტო კომიტეტის თავმჯდომარე გიორგი გაბუნიამ.
მისი თქმით, ფაქტი, რომ ამ კონკრეტული დანაშაულის უკან შესაძლოა იდგნენ, მათ შორის, პოლიტიკური ფიგურები, ყოფილი პოლიტიკოსები, არ გაუკვირდება.
„ფაქტია, რომ „ნაციონალური მოძრაობა“ უკვე წლებია ჩართული ანტისახელმწიფოებრივ საქმიანობაში და მათი საქმიანობა დაკავშირებულია პირდაპირ, ქვეყანაში სიტუაციის არევასთან, სახელმწიფო გადატრიალებასთან და ყველა იმ დესტრუქციულ ქმედებასთან, რომელიც ჩვენ უკანასკნელი წლების განმავლობაში ვიხილეთ.
შესაბამისად, ფაქტი, რომ ამ კონკრეტული დანაშაულის უკან შესაძლოა იდგნენ, მათ შორის, პოლიტიკური ფიგურები, ყოფილი პოლიტიკოსები, მე პირადად, არ გამიკვირდება“, – აღნიშნა გიორგი გაბუნიამ.
ცნობისთვის, ბაჩო ახალიას მეუღლეს, „პრაიმტაიმის“ გავრცელებული ინფორმაციის დადასტურება მოუწია, რომ ახალიას სახლში პარლამენტის შენობის მაკეტი უდევს და საკანონმდებლო ორგანოს აღების გეგმას განიხილავს. ანი ნადარეიშვილი იმუქრება, რომ თუ მის ქმარს დააკავებენ, დაასახელებს წყაროს ვინც „ნაცმოძრაობიდან“ ბაჩო ახალიას შესახებ ინფორმაცია გათქვა. ტექსტი ნადარეიშვილმა ანი წითლიძეს პოსტის ქვეშ, შემთხვევით დაწერა, თუმცა შემდეგ აღარ წაშალა. „ჰექსოგენის” შემოტანის საქმეზე, ბაჩო ახალაიას შესაძლო მონაწილეობის საკითხს შეისწავლის, სახელმწიფო უსაფრთხოების სამსახური. უწყების მიერ გავრცელებულ განცხადებაში ნათქვამია, რომ ახალაიას გარშემო განვითარებული მოვლენები მათთვის საინტერესოა.