აქ არის მთავარი ის ძალები, რომლებიც იბრძვიან ჩვენი ქვეყნის წინააღმდეგ იმიტომ, რომ ჩვენ რა „დავალებაც“ მოგვცეს „ქართული ოცნების“ გუნდმა არ შეასრულა, ჩვენ დავიცავით ჩვენი ქვეყნის უსაფრთხოება, – განაცხადა იურიდიულ საკითხთა საპარლამენტო კომიტეტის თავმჯდომარემ არჩილ გორდულაძემ „იმედის კვირის“ სპერეპორტაჟზე საუბრისას.
„გარე ძალები მიხვდნენ, რომ ჩვენს ქვეყანაში შესაძლებელია მუხტი აიწიოს მხოლოდ იმ პირების მიმართ, რომლებსაც სისხლი უდუღთ, ახალგაზრდები არიან და მეორე მხრივ წლების განმავლობაში ის ნარატივი რაც იყო გატარებული უნივერსიტეტებსა თუ სკოლებში, რომლითაც ხდებოდა ტვინის გამორეცხვა, რის საწინააღმდეგოდაც ჩვენ საკანონმდებლო ცვლილებები გვაქვს მიღებული.
სწორედ ამ ადამიანებზე აკეთებენ აქცენტს, რომელთაც არ უნდათ სიმართლის გაგება. ადვილად მართვად ადამიანებს აჯერებენ ყველაფერს და შემდეგ ისეთ დავალებებსაც ასრულებენ ეს ადამიანები, როგორიცაა ფაშიზმი და დანაშაულების ჩადენა“, – აღნიშნა არჩილ გორდულაძემ.
დეტალურად გაშიფრული სქემა, თუ როგორ მუშაობენ უცხო ქვეყნის სპეცსამსახურები საქართველოში და როგორ იმართება ხელოვნური პროტესტი – „იმედის კვირისთვის“ ექსკლუზიურად გახდა ცნობილი ყველა იმ ახალგაზრდული ორგანიზაციის წევრების, უნივერსიტეტების მფლობელების, ლექტორებისა და რექტორების კავშირი უცხო ქვეყნის სპეცსამსახურებთან და იმ ადამიანის ვინაობა, რომელიც ამ პროცესებს კურირებს. ქვეყანაში ხელისუფლების შესაცვლელად შედგენილი გეგმა, ე.წ. ახალგაზრდული პროტესტით, რომელსაც ტრენინგ გავლილი ახალგაზრდების ჯგუფი მართავს. გაშიფრულია ყველა ტრანზაქცია, რა მეთოდებით იღებდნენ ან იღებენ დღემდე პროტესტის ორგანიზატორები და მონაწილეები თანხას.