თამთა მეგრელიშვილი სოციალურ ქსელში პოსტს აქვეყნებს, რომელსაც უცვლელად გთავაზობთ.
“სახელმწიფო უსაფრთხოების სამსახურის მუშაობაში მამუკა მდინარაძის ,,რკინის ხელი” მისი ამ პოსტიდან წასვლის შემდეგაც მუშაობს და ეფექტიანია.
ჯაშუშობის ბრალდებით სუს-ის მიერ დაკავებულია პირი, რომელიც ბოლო რამდენიმე თვის განმავლობაში, ინტენსიურ რეჟიმში გატარებული კონტრდაზვერვითი ღონისძიებების შედეგადაა დაკავებული, უცხო ქვეყნის სპეცსამსახურის თანამშრომლების დავალებით ქართული სახელმწიფოს ინტერესების საზიანოდ მოქმედებდა.
მაღალ თანამდებობაზე დასაქმებული აღნიშნული საჯარო მოხელე, ქვეყნის ინტერესების საწინააღმდეგოდ, თავისი ამჟამინდელი სამსახურებრივი მდგომარეობის, წარსულში დაკავებული თანამდებობებისა და სხვადასხვა უწყებაში არსებული პირადი კავშირების მეშვეობით, უცხო ქვეყნის სპეცსამსახურების ინტერესების სასარგებლოდ, სისტემურად ახორციელებდა ინფორმაციის მოპოვებასა და მათთვის გადაცემას.
ქვეყნის ინტერესების დასაცავად, აუცილებელია, რომ სახელმწიფო უსაფრთხოების სამსახურმა კვლავ ასეთი პროფესიონალიზმით გააგრძელოს მუშაობა და ბოლო თვეების მანძილზე მიღწეული ხელშესახები შედეგები მათი საქმიანობის პროფესიულ ხელწერად იქცეს.
მადლობა ბატონ მამუკას გაწეული შრომისთვის და წარმატებები ბატონ გეკა გელაძეს ამ საპასუხისმგებლო საქმიანობაში.
სახელმწიფო უსაფრთხოების სამსახურის პროფესიონალურ დონეზე, გამართული მუშაობა, ჩვენი ქვეყნისა და თითოეული ჩვენგანის დაცულობის გარანტიაა.”