შოტლანდიის ნაკრებისა და “ჩელსის” ყოფილმა ფეხბურთელმა პეტ ნევინმა The Mirror-თან ინტერვიუში ხვიჩა კვარაცხელიას შესახებ ისაუბრა.
ნევინის თქმით, მან “არისტოკრატებს” “კვარას” დამატება 3-4 წლის წინ ურჩია, თუმცა არ მოუსმინეს.
“მახსოვს 3-4 წლის წინ მთელი მსოფლიოს გასაგონად ვამბობდი, რომ ხვიჩა კვარაცხელია მსოფლიოს ერთ-ერთი საუკეთესო ფეხბურთელი გახდებოდა, მაგრამ ყველა მაიგნორებდა.
მეტსაც გეტყვით, რამდენიმე კლუბს, მათ შორის “ჩელსის”, მისი დამატება ვურჩიე, მაგრამ არავინ მომისმინა. ჩემი აზრით, ქართველი “არსენალისთვის” იდეალური ფეხბურთელი იქნებოდა. ამჟამად, ქართველი ჩემი ფავორიტია”, – განაცხადა ნევინმა.
შეგახსენებთ, ხვიჩა კვარაცხელიამ ჩემპიონთა ლიგის გასულ სეზონში თავი 10 გატანილი გოლითა და 6 საგოლე პასით გამოიჩინა.
კომენტარები