ვაშინგტონში, ლინკოლნის მემორიალთან UFC Freedom 250-ის წინ პრესკონფერენცია ჩატარდა, რომლის მონაწილე ქართველი ილია თოფურიაც იყო – ის მსუბუქი დივიზიონის (70კგ) საჩემპიონო ქამრის დაცვას ამერიკელ ჯასტინ გეიჯისთან შეეცდება.
პრესკონფერენციის შემდეგ ასევე გაიმართა ე.წ. „პირისპირ დგომი“.
„დარწმუნებული ვარ, რომ პლანეტაზე ნომერ პირველი ვარ. სულ მალე ერთმანეთს შევხვდებით და მას მიეცემა შანსი, ოქტაგონზე საწინააღმდეგო დამიმტკიცოს. ჩემს უპირატესობაში ეჭვი არ მეპარება, მაგრამ თუ სხვანაირად ფიქრობს, სცადოს და მაჯობოს. თუმცა, ამის საერთოდ არ მჯერა. ერთი რამ ზუსტად ვიცი – პირველ რაუნდში ნოკაუტით გავიმარჯვებ“, – განაცხადა თოფურიამ პრესკონფერენციის დროს.
29 წლის ილია თოფურია შერეულ ორთაბრძოლებში დაუმარცხებელია, მის ანგარიშზე 17 გამარჯვებაა. რაც შეეხება 37 წლის გეიჯის, ჩატარებული 32 შეხვედრიდან 27 მოიგო.
UFC-ს პირველი ღონისძიება თეთრ სახლში 15 ივნისს ჩატარდება – ის ამერიკის დამოუკიდებლობის 250-ე წლისთავს მიეძღვნება.