ყირიმი მალე კუნძულად გადაიქცევა, – ამის შესახებ უკრაინის თავდაცვის მინისტრი მიხაილ ფედოროვი აცხადებს.
როგორც მინისტრმა YouTube არხ PRESSING-თან ინტერვიუში განაცხადა, უკრაინული დრონებით განხორციელებული თავდასხმების გამო დროებით ოკუპირებული ყირიმის ნახევარკუნძული მალე რუსეთისგან კიდევ უფრო იზოლირებული იქნება.
„ყირიმი იზოლირებულია დრონების დახმარებით და უახლოეს მომავალში, როგორც ჩანს, ყირიმი კუნძულად გადაიქცევა. ამან შეიძლება, რუსებისთვის ძალიან მოულოდნელი შედეგები გამოიწვიოს. მეტს ვერაფერს ვიტყვი“, – განაცხადა მან.
ფედოროვმა ასევე აღნიშნა, რომ 2026 წლის პირველი ოთხი თვის განმავლობაში თავდაცვის სამინისტრომ 300%-ით მეტი საშუალო რადიუსზე მოქმედი დრონი შეიძინა, რომლებსაც უკრაინა რეგულარულად იყენებს აზოვის რეგიონზე თავდასხმებისთვის.
„ასე რომ, რუსებისთვის ჯოჯოხეთი იწყება და მასთან გამკლავება ძალიან რთულია. ჩვენ გვაქვს შესაძლებლობების ფანჯარა. ლოჯისტიკა იკეტება, ყირიმი იზოლირებულია, ეს გავლენას ახდენს აღმოსავლეთზე. არსებობს პირდაპირი კორელაცია იმას შორის, თუ რამდენად ძლიერად ვაძლიერებთ ლოჯისტიკას და რამდენი თავდასხმა ხდება ფრონტის ხაზზე”, – განაცხადა ფედოროვმა.