ეს არის ძალიან ცუდი – 35-წლიანი ტყუილი, მთელი ამ ხნის პერიოდში საქართველოს თავს მოახვიეს დოგმა, რომ მხოლოდ ევროკავშირია ჩვენი ორიენტირი, – განაცხადა გადაცემაში „ღია ეთერი-დებატები“ „ერთიანი ნეიტრალური საქართველოს“ პოლიტიკურმა მდივანმა ბიძინა გიორგობიანმა.
მისივე თქმით, სიცრუეა, რომ ევროკავშირსა და ჩრდილოატლანტიკურ ორგანიზაციებში გაერთიანება ნიშნავს სამოთხეს, სადაც საქართველო როდესაც შევა, გაიზრდება პენსიები, გაიზრდება ეკონომიკა.
„ეს არის ძალიან ცუდი – 35-წლიანი ტყუილი, მთელი ამ ხნის პერიოდში საქართველოს თავს მოახვიეს დოგმა, რომ მხოლოდ ევროკავშირია ჩვენი ორიენტირი. სტრატეგიული მიზანია ჩრდილოატლანტიკურ ორგანიზაციებში გაერთიანება და ეს არის სამოთხე, სადაც საქართველო რომ შევა, გაიზრდება პენსიები, გაიზრდება ეკონომიკა. ეს არის აბსოლუტური სიცრუე და ამაზე ციფრებიც მეტყველებს. ციფრები არ ტყუიან ამ შემთხვევაში.
ჯერ ერთი, წევრობა გამორიცხულია და წევრად არ გვიღებენ არც ჩრდილოატლანტიკურ ალიანსში, ნატო-ში და არც ევროკავშირში. ამას მოწმობს სულ რაღაც სამი დღის წინ ნათქვამი, ერთ-ერთი ბალტიისპირელი, საქართველოს მოძულე პარლამენტარისგან, გვარად იუკნევიჩიანესგან, რომელმაც თქვა, რომ 2022 წლამდე ამ ქვეყნებისთვის კანდიდატის სტატუსის მიცემა არც განიხილებოდა. 2022 წელს ეს დადგა დღის წესრიგში მხოლოდ იმიტომ, რომ დაიწყო ომი რუსეთსა და უკრაინას შორის. მათ სჭირდებოდათ ახალი პროქსი ქვეყნები, რომლებსაც გამოიყენებდნენ ამ ომში, ცეცხლში შესაკეთებლად, როგორც საწვავს, მეტი არაფერი. ამისთვის მოგვცეს ჩვენ კანდიდატის სტატუსი“, – აღნიშნა ბიძინა გიორგობიანმა.