პარტია „ხალხის ძალის” წევრი ზაალ მიქელაძე აცხადებს, რომ საქართველოს საგარეო პოლიტიკის დამოუკიდებელი კურსი გარკვეული პოლიტიკური ჯგუფების უკმაყოფილებას იწვევს. მისი თქმით, განსაკუთრებით მწვავე რეაქცია მოჰყვა საქართველოსა და ჩინეთს შორის ურთიერთობების გაღრმავებას.
„როცა ამერიკის შეერთებული შტატების პრეზიდენტი ცდილობს, ჩინეთთან მეგობრობა გააღრმაოს, რატომღაც იმავეს გაკეთება ჩვენ გვეკრძალება. მთელი ამბავიც სწორედ ეს არის“, – განაცხადა დეპუტატმა და აღნიშნა, რომ საქართველოს არ უნდა მოუწიოს რომელიმე ძალის გავლენის ქვეშ მოქცევა და ქვეყანამ დამოუკიდებელი გადაწყვეტილებების მიღება უნდა შეძლოს. მისი თქმით, სწორედ ამ კონტექსტში აღიქმება ჩინეთთან თანამშრომლობის გაღრმავებაც.
„რევოლუციისა და გადატრიალების მოსაწყობად ისეთი ადამიანების გაზრდა სურდათ, რომლებიც აშშ-ისა და ბრიუსელისთვის ყურმოჭრილი მონები იქნებოდნენ. როცა ამერიკის შეერთებული შტატების პრეზიდენტი ცდილობს, ჩინეთთან მეგობრობა გააღრმაოს, რატომღაც იმავეს გაკეთება ჩვენ გვეკრძალება. მთელი ამბავიც სწორედ ეს არის. ეს ყველაფერი, სამწუხაროდ, უკვე გავიარეთ 70 წლის განმავლობაში, როდესაც ჩრდილოეთის ვასალი ვიყავით. ახლა ვიღაცებს უნდათ, რომ ბრიუსელის ვასალი გავხდეთ. გამოჩნდა დიდი ქვეყანა – ჩინეთი, რომელთან შედარებითაც ჩვენ ერთი პატარა ქალაქივით ვართ, და ამხელა ქვეყანამ გადაწყვიტა, პატარა ქვეყანასთან თანასწორ და მეგობრულ ურთიერთობებში იყოს. სწორედ ამან შეაშფოთა ყველა“, – განაცხადა ზაალ მიქელაძემ.