ვენესუელაში მომხდარი ძლიერი მიწისძვრების შემდეგ, დანგრეული შენობების ნანგრევებიდან, რამდენიმე საათის ინტერვალით, ორი 11 წლის ბიჭი გადაარჩინეს.
პირველი ბიჭის – მოისესის გადარჩენის ვიდეოკადრები სოციალურ ქსელებში გავრცელდა. რამდენიმე საათის შემდეგ, პრეზიდენტის მოვალეობის შემსრულებელმა, დელსი როდრიგესმა გამოაცხადა კიდევ ერთი 11 წლის ბიჭის გადარჩენის შესახებ და X-ზე გამოაქვეყნა ვიდეო, სადაც ჩანს, როგორ ჩამოჰყავთ ის საკაცით ნანგრევების უზარმაზარი გროვიდან.
ოთხშაბათს მომხდარი 7.2 და 7.5 მაგნიტუდის მიწისძვრების შემდეგ, ოფიციალურმა პირებმა სულ მცირე 1 430 ადამიანის დაღუპვა დაადასტურეს. ათობით ათასი ადამიანი კვლავ დაკარგულად ითვლება.
პირველი მიწისძვრიდან უკვე 85 საათზე მეტი გავიდა, თუმცა მაშველები იმედს არ კარგავენ და აცხადებენ, რომ ადამიანები შესაძლოა კვლავ ცოცხლები იყვნენ, განსაკუთრებით იმ შემთხვევაში, თუ ნანგრევების ქვეშ საკვებსა და წყალზე მიუწვდებათ ხელი.
ორმა მიწისძვრამ, რომლებიც 39 წამის ინტერვალით მოხდა, ასობით შენობა დაანგრია, რის გამოც ბევრი ადამიანი კვლავ ნანგრევებში რჩება.