ავღანეთში, ყანდაღარის პროვინციაში ტერორისტები ნატოს კოლონას დაესხნენ თავს. ალიანსის წარმომადგენელის ინფორმაციით, თვითმკვლელი ტერორისტი, რომელიც დანაღმულ მანქანას მართავდა, კონვოის ერთ-ერთ მანქანას დაეჯახა და აფეთქდა.
თავდასხმას მსხვერპლი მოჰყვა, თუმცა კონკრეტული მონაცემები არ გაუხმაურებიათ. ეს უკვე მეორე მასშტაბური თავდასხმა იყო დღის განმავლობაში.
გამთენიისას ტერორისტების სამიზნე ქალაქ ჰერატის შიიტი მუსლიმების მეჩეთი გახდა, სადაც თავდასხმის შედეგად 29 ადამიანი დაიღუპა. ტერაქტებზე პასუხისმგებლობა ამ დრომდე არცერთ დაჯგუფებას არ აუღია.
კომენტარები