საუდის არაბეთის დედაქალაქში 10 ოქტომბერს განხორციელებულ თავდასხმას 12 ადამიანი ემსხვერპლა და 309 დაშავდა. დაღუპულთა შორის არიან: საუდის არაბეთის ოთხი მოქალაქე, ბანგლადეშის ორი მოქალაქე, ასევე თითო მოქალაქე აშშ-დან, ეგვიპტიდან, იორდანიიდან, სირიიდან, პალესტინიდან და სუდანიდან.
დაზუსტებული ინფორმაცია 11 ოქტომბერს გაავრცელა The Saudi Press Agency (SPA)-მა:
„თავდასხმამ მატერიალური ზიანიც გამოიწვია, რომლის მასშტაბის შეფასებაც ამჟამად მიმდინარეობს“.
რამდენიმე დღით ადრე, 7 ოქტომბერს მეამბოხე ჰუთებმა, რომლებიც იემენის მნიშვნელოვან ნაწილს აკონტროლებენ, შეტევა მიიტანეს იემენის ქალაქ ადენის აეროპორტზე და კიდევ ორ აეროპორტზე საუდის არაბეთში.
ჰუთების წინააღმდეგ საუდის არაბეთის ხელმძღვანელობით მოქმედი კოალიციის ინფორმაციით, 7 ოქტომბერს ჰუთებმა სცადეს შეტევა საუდის არაბეთის დედაქალაქ ერ-რიადზეც. ბალისტიკური რაკეტა ერ-რიადის ჩრდილოეთით მოიგერიეს.