“საფრანგეთში ძალადობას ადგილი არ აქვს, ისინი ვინც დააზიანეს და თავს დაესხნენ პრეფექტურებსა და ბიზნესობიექტებს, გაძარცვეს მერიებიც კი, დაისჯებიან”

საფრანგეთის პრეზიდენტი ემანუელ მაკრონი აცხადებს, რომ ქვეყანაში ძალადობას ადგილი არ აქვს.

მაკრონის თქმით, პირებს, რომლებმაც პრეფექტურებისა და ბიზნესობიექტების შენობები დააზიანეს და თავს დაესხნენ, ასევე გაძარცვეს მერიები, კანონის მთელი სიმკაცრით მოეთხოვებათ პასუხი და დაისჯებიან.

„ჩვენს რესპუბლიკაში ძალადობას ადგილი არ აქვს. მათ, ვინც დააზიანეს და თავს დაესხნენ პრეფექტურებსა და ბიზნესობიექტებს, გაძარცვეს მერიებიც კი, კანონის მთელი სიმკაცრით მოეთხოვებათ პასუხი და დაისჯებიან. სამართალდამცველებს, რომლებიც დემონსტრაციების გამართვის უფლების დაცვის გარანტები არიან, მთელი ერის მხარდაჭერას ვუცხადებ. ჩვენ ყველანი ერთად დავდგებით ქაოსის მთესველთა წინააღმდეგ, რომელთა ერთადერთი მიზანი ჩვენი ინსტიტუტების დამხობა და იმ ადამიანებისთვის ხელის შეშლაა, რომლებიც საკუთარ მოთხოვნებს მშვიდობიანად აჟღერებენ“, – წერს მაკრონი.