გრიბოედოვის ქუჩის N16-ში მდებარე ისტორიული შენობა კაპიტალურად გამაგრდება

მთაწმინდის რაიონის გამგეობამ გრიბოედოვის ქუჩაზე ისტორიული შენობის მარცხენა ფლიგელის კაპიტალური გამაგრება დაიწყო. 
როექტის ფარგლებში, ავარიული სახლის კონსტრუქციული ელემენტები – საძირკველი და მზიდი კედელი გამაგრდება, შენობის ფანჯრები კი, ლითონის კუთხოვანებით მოჩარჩოვდება.
ამასთან, მათივე ცნობით, კაპიტალური გამაგრების სამუშოებს, რომელიც სექტემბერში დასრულდება, მთაწმინდის გამგებელი დავით კირკიტაძე გაეცნო.
„გრიბოედოვის 16 ნომერში მდებარე კულტურული მემკვიდრეობის ეს ძეგლი თავისი აივნებით ძველი თბილისური სახლის ერთ-ერთი საუკეთესო ნიმუშია. შენობის თავდაპირველი ნაწილი 1840-იანი წლებით თარიღდება, მე-20 საუკუნის დასაწყისში კი, პირვენდელ ნაგებობას კიდევ ორი შენობა დაემატა.
ძეგლი იმითაც არის გამორჩეული, რომ აღნიშნულ შენობაში, 1852-1858 წლებში, კავკასიის მუზეუმის ეთნოგრაფიული განყოფილება ფუნქციონირებდა, რომელსაც მწერალი და საზოგადო მოღვაწე რაფიელ ერისთავი ხელმძღვანელობდა“, – ნათქვამია ინფორმაციაში.
თბილისის მერიის ცნობით, კაპიტალური გამაგრების პროექტს გამგეობა „ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში ახორციელებს.