2018 წლის 20 აგვისტოდან ავტომანქანების დალომბარდება აიკრძალა. გადაწყვეტილება ეროვნულ ბანკს ეკუთვნის. ეკონომიკის სპეციალისტების ნაწილი გადაწყვეტილებას დადებითად, მეორე ნაწილი კი უარყოფითად აფასებს.
ეკონომისტ ოთარ ანგურიძის შეფასებით, მსგავსი შეზღუდვები რაც ჭარბვალიანობის აღმოფხვრას ემსახურება, წაადგება ქვეყნის როგორც სოციალურ, ისე ეკონომიკურ განვითარებას. მისივე თქმით, ამ გადაწყვეტილებამ შესაძლოა ლომბარდებს ახალი პროფილი შესძინოს და წაადგეს მის ბიზნესსაქმიანობას.
ანალიტიკოს ვახტანგ ჭარაის შეფასებით, კი ეროვნული ბანკის გადაწყვეტილება არის მცდარი, მისი თქმით, ეროვნული ბანკი ადამიანების ნაცვლად იღებს გადაწყვეტილებებს და განსაზღვრავს, თუ ვის რა სურვილები აქვს, რაც მისი თქმით არასწორია.
კომენტარები