მიხეილ ბატიაშვილი – პროფესიული განათლების კუთხით მნიშვნელოვანი სიახლეები იგეგმება

განათლების, მეცნიერების, კულტურისა და სპორტის მინისტრის, მიხეილ ბატიაშვილის განცხადებით, პროფესიული განათლების კუთხით მნიშვნელოვანი სიახლეები იგეგმება.
„დღეს მთავრობის სხდომაზე ვისაუბრეთ პროფესიული განათლების მიმართულებით დაფინანსების გამოყოფის თაობაზე. მნიშვნელოვანი სიახლეები იგეგმება და ხორციელდება პროფესიული განათლების განვითარების კუთხით, მათ შორის საერთაშორისო ორგანიზაციების ჩართულობით. ვფიქრობთ, ის მაჩვენებლები, რომლებიც გვაქვს პროფესიული სასწავლებლების მიმართულებით, გაუმჯობესდება და მოიმატებს სტუდენტების რაოდენობა. კიდევ ერთი მნიშვნელოვანი მაჩვენებელი არის პროფესიული სასწავლებლების კურსდამთავრებულთა დასაქმება. მომავალი წლიდან ვვარაუდობთ, რომ ეს მაჩვენებელი კიდევ უფრო გაიზრდება და საერთაშორისო ჩართულობით ამ სფეროში გვექნება მნიშვნელოვანი ძვრები“, – განაცხადა ბატიაშვილმა.