ზაზა სარალიძე – ვიჯდები აქ და ვიწყებ შიმშილობას, ვიდრე მოთხოვნები არ დაკმაყოფილდება

ხორავას ქუჩაზე მოკლული მოზარდის, დავით სარალიძის მამა, ზაზა სარალიძე დღეიდან შიმშილობას იწყებს. ამის შესახებ მან დღეს მალხაზ მაჩალიკაშვილთან ერთად გამართულ აქციაზე განაცხადა.
„ცხრა თვის შემდეგ მიწევს ქუჩაში გამოსვლა. იმის მაგივრად, რომ ჩვენ შვილებს ვგლოვობდეთ, გვიწევს ქუჩაში სამართლის ძებნა. ხელისუფლებამ გადაწყვიტა, რომ ჩემი შვილის მკვლელები უნდა იყვნენ გარეთ. ხელისუფლებამ გადაწყვიტა, რომ ყველა ის თანამდებობის პირი, ვინც გააყალბა საქმე, უნდა იყოს თანამდებობაზე. მათ დაასკვნეს, რომ არავის შეუშლია ხელი გამოძიებისთვის, თუმცა თავად ხელისუფლება არის დღეს მკვლელი და მკვლელების ხელისდამფარებელი.
​დღეს აქედან ფეხს არ მოვიცვლი, აქ ვიქნები, ვიდრე სამართლიანობა არ აღდგება.
ჩემი კონკრეტული მოთხოვნაა, რომ ხელისუფლება გადადგეს. არავითარი წულუკიანი და გახარია ხელისუფლებაში. ისინი დღეს მკვლელობებს მფარველობენ…
ვიჯდები აქ და ვიწყებ შიმშილობას, ვიდრე მოთხოვნები არ დაკმაყოფილდება“, – განაცხადა ზაზა სარალიძემ.