“ჩემი ქმარი მემუქრებოდა ტელევიზიით აგიტეხავ ერთ ამბავსო და აასრულა” – რას ამბობს ძალადობის მსხვერპლი ქალი, რომლის ქმარმაც ვენები გადაიჭრა

ზესტაფონის მკვიდრმა მამაკაცმა “რუსთავი 2”-თან თვითმკვლელობა სცადა, ის პოლიციელებს ზეწოლაში ადანაშაულებს. “ექსკლუზივ ნიუსისთვის” ცნობილი გახდა, რომ მამაკაცი ყოფილ მეუღლეზე ე.ს-ზე სისტემატიურად ძალადობდა, რის გამოც მეუღლემ პოლიციას მიმართა და მასზე შემაკავებელი ორდერი გამოიცა.
“ექსკლუზივ ნიუსი” ე.ს-ს დაუკავშირდა.
– ჩემი ყოფილი ქმარი ყოველთვის მემუქრებოდა ამ დღით, ტელევიზიით აგიტეხავ ერთ ამბავსო და აასრულა კიდეც. ამდენი წელი ვიყავით ქორწინებაში ის სისტემატიურად ძალადობდა ჩემზე, თავიდან მრცხვენოდა, ხმას არ ვიღებდი, შვილებსაც ვითვალისწინებდი და ვიტანდი ამდენ შეურაცხყოფას.
ის ჩემს უფროსთანაც იყო მისული სამსახურში, ემუქრებოდა გააგდეო, ათასგვარ სიბინძურეს ეუბნებოდა, სანებით სადგურს შემოგიყვანო და დაგაჯარიმებენო და ა.შ. ამ კაცმა გამიმწარა მთელი ცხოვრება და გაჩერებას აღარ ვაპირებ. პოლიციას როცა მივმართე გამოიცა შემაკავებელი ორდერი.  არ გავჩერდები ხალხო ბოლომდე მივიყვან ამ ამბავს. მეტის ატანა აღარ შემიძლია, – განაცხადა ე.ს-მ.
ქალბატონი ჩვენთან საუბარში იმასაც ამბობს, რომ ქმარმა მასაც უჩივლა ცოტა ხნის წინ და განაცხადა, თითქოს ყოფილი მეუღლე მას მოტაცებით, გაუპატიურებით და ამ კადრების გავრცელებით ემუქრება.
“ექსკლუზივნიუსი” შსს-ს საზოგადოებასთან ურთიერთობის სამსახურს დაუკავშირდა, სადაც განაცხადეს, რომ მამაკაცმა ცოლსაც უჩივლა.
2019 წლის 08 თებერვალს გამოძიება დაიწყო ყოფილი მეუღლის 1981 წელს დაბადებული ე.ს-ს მიერ, მის მიმართ განხორციელებული ფსიქოლოგიურ ძალადობის, სიცოცხლის მოსპობის მუქარის და თვითმკვლეობამდე მიყვანის ფაქტზე – განაცხადეს უწყებაში.