უკრაინაში, კიევის რაიონში, საპატრულო პოლიციის დანაყოფი ავტომობილს დაედევნა, რომელსაც საქართველოს მოქალაქე მართავდა და მიმალვას ცდილობდა.
დადევნების დროს, ავარია მოხდა. კიევის ნაციონალური პოლიციის განცხადებით, მანქანას, რომელშიც საბრძოლო იარაღი იყო შენახული, საქართველოს მოქალაქე მართავდა. მას, ასევე, უცხო ქვეყნის სანომრე ნიშნები ჰქონდა.
როგორც ცნობილია, პოლიციამ ერთ-ერთი მოსახლისგან მიიღო შეტყობინება, რომ, ქალაქ ბორისპოლის ერთ-ერთ ქუჩაზე, საეჭვო გარეგნობის მამაკაცი უცხო ქვეყნის სანომრე ნიშნების მქონდე მანქანაში ჩაჯდა. “საპატრულო პოლიციის ეკიპაჟმა მომენტალურად მოახდინა რეაგირეაბა და, უკვე რამდენიმე წუთის შემდეგ, “Volkswagen”-ის მარკის მანქანას დაედევნა. კანონიერ მოთხოვნას – გაეჩერებინათ მანქანა, რეაგირება არ მოჰყვა. მან განაგრძო სვლა და, ამავდროულად, სხვა მოძრავ მანქანებს საფრთხეს უქმნიდა”, – ნათქვამია პოლიციის მიერ გავრცელებულ შეტყობინებაში. პოლიციისგან გაქცევის დროს, მძღოლი სხვა მანქანების გასწრებას ცდილობდა. ის “Opel Vectra” მარკის ავტომობილს შეეჯახა.
ავტოსაგზაო შემთხვევის შედეგად, “Opel Vectra”-ს მარკის ავტომობილის მძღოლი ადგილზე დაიღუპა, ხოლო მისმა მგზავრმა მძიმე დაზიანებები მიიღო. “Volkswagen”-ის მარკის ავტომობილის მძღოლი საქართველოს 26 წლის მოქალაქე აღმოჩნდა, რომელიც, ორი თვის წინ, უკრაინაში დროებით ცხოვრების უფლებით ჩავიდა. მანქანის გაჩხრეკის შედეგად, ამოღებულ იქნა ორი ყუბმარა და ხელყუმბარა.
აღმოჩნდა, რომ საბრძოლო იარაღი ავტომობილის მგზავრს, სოფელ დუდარკინის მცხოვრებს ეკუთვნოდა.
