კონკრეტულმა პირებმა ზაალ ლატარია დაასახელეს, რომლის „ფეისბუქის” მესენჯერისგანაც მათ კონკრეტული ვიდეო მიიღეს”, – ამის შესახებ ჟურნალისტებს სასამართლო პროცესის დაწყებამდე პროკურორმა გიორგი მუკბანიანმა განუცხადა.
თბილისის საქალაქო სასამართლოში პირადი ცხოვრების ამსახველი ვიდეოჩანაწერის შენახვისა და მასობრივად გავრცელების საქმეზე დაკავებული ზაალ ლატარიას მიმართ აღკვეთის ღონისძიების შეფარდების საკითხზე სასამართლო პროცესი მიმდინარეობს.
„ამ ეტაპზე კონკრეტული პირი იდენტიფიცირებული არ არის, ვისგან მიიღო მან ვიდეოჩანაწერი, გამოძიება გრძელდება. გამოძიებით მოპოვებული ინფორმაციით დგინდება, რომ მან უკანონოდ მოიპოვა პირადი ცხოვრების საიდუმლოს ამსახველი ვიდეოჩანაწერი, შეინახა „ფეისბუქის” მესენჯერში და გაავრცელა სხვადასხვა პირებზე.
ამოღებულია მისი მობილური ტელეფონი, დაინიშნება შესაბამისი ექსპერტიზა, გამოთხოვილი იქნება ინფორმაცია და აუცილებლად დადგინდება იმ პირის ვინაობა.
საქმეში მოიპოვება ჩვენებები, რომელიც მიუთითებს, რომ მათ აღნიშნული ვიდეოჩანაწერი სწორედ ზაალ ლატარიისგან მიიღეს”, –განაცხადა მუკბანიანმა.
ზაალ ლატარია თავს დამნაშავედ არ მიიჩნევს.
შინაგან საქმეთა სამინისტროს ინფორმაციით, სამართალდამცველებმა, ვიდეოჩანაწერის შენახვისა და გავრცელების ბრალდებით, კიდევ ერთი პირი – 1975 წელს დაბადებული ზ.ლ. დააკავეს. პოლიციამ ბრალდებულის საცხოვრებელ სახლში მოსამართლის განჩინების საფუძველზე ჩხრეკა ჩაატარა.