„სამართალდამცავთა რეფორმირების ცენტრის“ დამფუძნებელი, ზვიად კუპრავა დღეს, 12:00 საათზე საგამოძიებო უწყებაშია დაბარებული.
კუპრავას თქმით, მას გუშინ გამომძიებელი დაუკავშირდა და უთხრა, რომ ბრალი დაუსწრებლად წაუყენეს.
„ახალი რაღაც აქვთ გამოჩხრეკილი, დაკითხულიც კი არ ვარ. გამომძიებელმა მითხრა, ირაკლი ზაქარეიშვილის განცხადებასთან დაკავშირებით გამოძიება არის დაწყებული და ბრალი წარგედგინათო. მისი განცხადება არ წამიკითხავს და არ ვიცი. ზაქარეიშვილი სუს-ის აგენტ-პროვოკატორია“, – განუცხადა კუპრავამ „ინტერპრესნიუსს“.
როგორც ის განმარტავს, სხვა საქმეზე მისთვის შეფარდებული აღკვეთის ღონისძიების – გირაოს პატიმრობით შეცვლა უნდათ.
კომენტარები