ვერცხლის ქუჩაზე მკვლელობას წინ უძღოდა დიუმას ქუჩაზე მომხდარი დაპირისპირება. „ქრონიკის“ ინფორმაციით, ავტომობილში ზვიად ჯაფარიძემ ბესიკ ბიძინაშვილს გაუხსნა ცეცხლი, ბიძინაშვილი დაიჭრა, კონფლიქტი კი ვერცხლის ქუჩაზე გაგრძელდა. სადაც, სავარაუდოდ, ჯაფარიძეს, ბიძინაშვილის ძმამ ესროლა.
ჯაფარიძე ადგილზე გარდაიცვალა, ბიძინაშვილი მძიმე მდგომარეობით რეანიმაციაშია. სავარაუდო მოტივად შურისძიება სახელდება.
19 თებერვალს ვერცხლის ქუჩაზე 50 წლის ზვიად ჯაფარიძე მოკლეს. საქმეზე გამოძიება ორი მუხლით დაიწყო. გარდაცვლილი რამდენჯერმე ნასამართლევია.
მომხდართან დაკავშირებით რამდენიმე ათეული მოქალაქე უკვე გამოკითხულია და პროცესი კვლავ გრძელდება.
კომენტარები