პარლამენტის ფრაქცია ”საქართველოს პატრიოტების” წევრი ემზარ კვიციანი, ფრაქციიდან დავით ჭიჭინაძის შესაძლო გასვლას ეხმაურება.
ჭიჭინაძემ „პატრიოტთა ალიანსის“ დატოვების შესახებ ოფიციალური განაცხადი გუშინ გააკეთა.
ემზარ კვიციანის თქმიტ, დაიშლება თუ არა ფრაქცია დავით ჭიჭინაძის გასვლის შემდეგ, ისინი პარლამენტში ბრძოლას მაინც განაგრძობენ.
„თუ დაიშლება ფრაქცია ძალიან დიდ უბედურებას მე ამაში არ ვხედავ, მერე რა მოხდა? დაიშლება და მაინც ვიმუშავებთ. უკეთესად თავისუფლები ვიქნებით და დამოუკიდებლები ვიქნებით. ახლა მაინც რაღაცნაირად პარტია ვფიქრობ, რომ რაღაცა შეჯერდე ერთად, ყველას აზრი ერთი არ არის, ახლა დამოუკიდებლები ვიქნებით და უფრო მეტს გავაკეთებთ კიდევ სხვადასხვა მიმართულებით კიდევ, მაგრამ ერთმანეთს დავუდგებით ყოველთვის გვერდში,“ – განაცხადა ემზარ კვიციანმა.