სკოლის მოსწავლეებს შორის კამათით დაწყებული ფიზიკური დაპირისპირების შედეგად ერთ-ერთი მოზარდი დაჭრილია მეორე კი შსს-მ უკვე დააკავა.
მოზარდს დაზიანება სავარაუდოდ ცივი იარაღით აქვს მიყენებული. შემთხვევა კასპის მუნიციპალიტეტის სოფელ ლამისყანაში მოხდა.
სოფელში არ იციან რა გახდა დაპირისპირების მიზეზი. დაზარალებულს და მის ოჯახს მომხდარზე საუბარი არ სურს. დაზარალებული კასპის საავადმყოფოდან სამედიცინო დახმარების გაწევის შემდეგ უკვე გაწერეს. კომენტარისგან თავი შეიკავა დაკავებულის ოჯახმაც.
ფაქტი 28 თებერვალს სკოლაში სასწავლო პროცესის დაწყებამდე მოხდა. კასპის რაიონის სოფელ ლამისყანის სკოლაში მომხდარ დაპირისპირებაზე შინაგან საქმეთ სამინისტრომ გამოძიება სისხლის სამართლის კოდექსის 120-ე მუხლის მე-2 ნაწილის, “ა” ქვეპუნქტით დაიწყო. ფაქტზე დაკავებულია 2002 წელს დაბადებული გ.ქ.