„ბუნებრივია, ყველაფერი კარგად რომ წასულიყო, ბიძინა ივანიშვილი ალბათ არ დაბრუნდებოდა, ასევე არ დავბრუნდებოდი მეც, – ამის შესახებ „ქართული ოცბნების“ პოლიტიკურმა მდივანმა, ყოფილმა პრემიერ-მინისტრმა, ირაკლი ღარიბაშვილმა „ტვპირველის“ ეთერში საუბრისას განაცხადა.
ირაკლი ღარიბაშვილის განცხადებით, ახლა მნიშვნელოვანია იმ პრობლემებთან ერთიანი ძალებით გამკლავება, რაც ქვეყნის მოსახლეობას აწუხებს.
„საკმაოდ დიდი დრო გავიდა მას შემდეგ, რაც დავტოვე თანამდებობა და არ დაგიმალავთ, რომ ჩემი გული და გონება ყოველთვის იყო კონცენტრირებული პროცესებზე, რომელიც მიმდინარეობდა ქვეყანაში. მე ვღელავდი, რადგან გარკვეული პრობლემები გაჩნდა ამ პერიოდის განმავლობაში, რაზეც პარტიის თავმჯდომარემ ისაუბრა, რის გამოც ის დაბრუნდა პოლიტიკაში და მეც პრინციპში შემიძლია ვთქვა იგივე, ეს არის ის პრობლემები და მიზეზები, რის გამოც დავბრუნდი პოლიტიკაში. ვფიქრობ, რომ პარტიის თავმჯდომარემ გამოსვლაში მკაფიოდ ჩამოაყალიბა მიზეზები ჯერ კიდევ თვეების წინ, როცა შემობრუნდა პოლიტიკაში. ბუნებრივია, ყველაფერი კარგად რომ წასულიყო, ის ალბათ არ მობრუნდებოდა, ასევე მეც” – აღნიშნა ირაკლი ღარიბაშვილმა.