“დამოუკიდებელი დეპუტატებისთვის ყოველთვის უცნობია, როდის რას გეგმავს პარლამენტის თავმჯდომარე”, – ასე გამოეხმაურა დამოუკიდებელი დეპუტატი, დავით ჭიჭინაძე პარლამენტში რიგგარეშე სესიის დღეს დანიშვნას. მისივე თქმით, სხდომა, სადაც ეროვნული ბანკის პრეზიდენტისთვის უნდა მოესმინათ, 16 აპრილს იყო ჩანიშნული, თუმცა, მოულოდნელად, დღეს რიგგარეშე სესიის ფორმატში დანიშნეს.
სესიაზე სებ-ის პრეზიდენტის დასკვნითი სიტყვით მოსმენის გარდა, კენჭი უნდა უყარონ გამოცდების გაუქმების საკითხზე მთავრობის ინიციატივას, რომელიც წინა სხდომაზე არასაკმარისი ხმების გამო ჩავარდა. მიზეზად ტექნიკური პრობლემა დასახელდა. აღნიშნულ ხარვეზთან დაკავშირებით ჭიჭინაძე ამბობს, რომ მას ახსოვს, როდესაც ღილაკების დანიშნულების გასარჩევად საერთო “ჩატში” წითელ და მწვანე ვაშლებს აგზავნიდნენ.
“თავიდან მე მახსოვს, რომ გზავნიდნენ წითელ და მწვანე ვაშლს, ღილაკები რომ არავის არეოდა. ახლა, ეტყობა, გადავიდნენ დაღეჭვით ახსნაზე. ჩვენთვის, მაგალითად, ყოველთვის უცნობია, როდის რას გეგმავს პარლამენტის თავმჯდომარე. ჩვენთან, დამოუკიდებელ დეპუტატებთან კომუნიკაცია არ აქვთ.
ერთი ჰყავდათ, კოკა ყანდიაშვილი, ვინც აგზავნიდა, რა ფერ ღილაკზე უნდა დაგვეჭირა – მწვანე ღილაკი რომ არის მომხრე, წითელი – წინააღმდეგი. მწვანე და წითელი ღილაკების პრობლემა დიდი ხნის პრობლემაა”, – აცხადებს ჭიჭინაძე.
დავით ჭიჭინაძე: მახსოვს, წითელ და მწვანე ვაშლს აგზავნიდნენ, ღილაკები რომ არავის არეოდა
2019/04/08 15:24:26
კომენტარები
ნანახია: 593 ჯერ