შვიდი თვის ბავშვის მკვლელობის შემდეგ, 16 წლის დედამ სახლიდან ოქრო და ფული წაიღო და გაიქცა, – ამის შესახებ საქართველოს პირველ არხს სოფელ აღაიანში განუცხადეს.
მათი ინფორმაციით, ბრალდებული სოციალური ქსელის მეშვეობით უცხო ადამიანებს ეკონტაქტებოდა და ამის გამო კონფლიქტი ჰქონდა მეუღლესთან, რომელიც ასევე სოციალური ქსელით გაიცნო.
ნათესავები ამბობენ, რომ დაკავებული 16 წლის დედა ჩვენებაში მკვლელობის მოტივად შურისძიებას ასახელებს და ამბობს, რომ „ბავშვი ქმრის და დედის გასამწარებლად მოკლა“.
ნათესავები ამბობენ, რომ აღაიანიდან მკვლელობის ჩადენის შემდეგ, ბრალდებული ტაქსით წავიდა და სავარაუდოდ თბილისში სოციალურ ქსელში გაცნობილ მამაკაცს შეხვდა.
„ის ჩვენებებში ამბობს, რომ დედამისი და ქმარი გაამწარა. ჩვენთვის გაუგებარია, ამას რატომ ამბობს. ორი წლის წინ გახდა ჩვენი რძალი. ქმარი ფეისბუქით გაიცნო, ქუთაისიდან ჩამოაკითხა და ცოლად გაჰყვა“, – აცხადებენ ნათესავები.