ქართულ ციხეებში წამება ოდესღაც „ნორმალურად“ ითვლებოდა – ეს არის ის რაც „ეფექტურად აღიკვეთა“, – აღნიშნული სათაურით საქართველოს შესახებ ვრცელ სტატიას გლობალური მედია პლატფორმა Opendemocracy აქვეყნებს.
სტატიის ავტორი საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის 2016 წლის ანგარიშს ეყრდნობა, რომელიც ქვეყანაში 2004-2012 წლებში წამების პრაქტიკას ეხება.
სტატიაში მოყვანილია წამების საკითხებზე გაერო-ს სპეციალური მომხსენებლის მანფრედ ნოვაკის 2005 წლის მონიტორინგისა და 2015 წელში არსებული ვითარების ამსახველი ანგარიშების შედარებაც.
„ათი წლის შემდეგ, 2015 წლის დასაწყისში, გაერო საქართველოში დაბრუნდა, რათა სრულიად განსხვავებული სიტუაცია აღმოეჩინა – პატიმართა რაოდენობა განახევრდა და სისტემიდან მრავალი აღმაშფოთებელი პრაქტიკა და სასჯელი საერთოდ გაუჩინარდა”, – ასე აფასებენ სტატიაში ადამიანის უფლებათა დაცვის საერთაშორისო ორგანიზაციათა წარმომადგენლები ქვეყანაში გატარებულ რეფორმებს.
სტატიის ავტორს ასევე, ციხეებში ადამიანთა წამების კონკრეტული საქმეებიც ყავს მოყვანილი.
ამასთან, ორგანიზაცია აღნიშნავს, რომ ამ მიმართულებით მთავრობის პოლიკა შეიცვალა და სისტემაში სიტუაცია რადიკალურად შეიცვალა.
წყარო: opendemocracy.net