მსახიობი ვახო კანდელაკი მისი მეგობრისა და კოლეგის გიორგი გოგიჩაიშვილის გარდაცვალებას ეხმაურება და თან ერთ-ერთ შეხვედრას იხსენებს, როცა ორივე მათგანს გადაცემები დაუხურეს. გთავაზობთ მსახიობის “ფეისბუქ”- პოსტს:
„ბოლოს პირველი არის ეზოში ვნახე.
ძალიან გაბრაზებული, უფრო სწორედ ნაწყენი იყო!!
– ბიჭო, გადაცემა დამიხურეს ისე, რომ ეს ყველაფერი ჩაწერაზე გავიგეო.
– გოგიჩ, მეც იმავე სიტუაციაში ვარ, ახლა გავიგე-მეთქი.
თავში გამიელვა აზრმა და ეგრევე გავუზიარე – მოდი, ვუჩივლოთ მაგ არაკაცებს-მეთქი,
– მოდიო!!! მაგას არ შევარჩენო.
ორი საათის მერე დამირეკა და მეუბნება – ვახსტანგი ( ასე მეძახდა გოგიჩა) ბიჭო, რაღაც მაგრად მერიდება სასამართლოში გასაჩივრება, რას იტყვის ხალხიო!!!
ახლა ხალხი გამოჭენდება ჩემო ძმობილო ამ სივრცეში და დაიწყებს მიწერ-მოწერას, თუ რა მაგარი ადამიანი იყავი და რა ნიჭიერი!!!
ისინიც დაწერენ უეჭველი, თავი რომ გაიმართლონ, შენ რომ გული გატკინეს.
ჩემო უფროსო და უკეთილესო მეგობარო, შევხვდებით ერთმანეთს და მერე გავარკვიოთ ყველაფერი მიყვარხარ და მომენატრები!!!“ – წერს ვახო კანდელაკი სოციალურ ქსელში.