ამერიკულ გამოცემა The Washington Times-ში გამოქვეყნებულ სტატიას შეფასებები მოჰყვა მმართველ გუნდში. უმრავლესობის წევრები გიორგი გახარიას მიერ გაკეთებულ განცხადებებს სრულად ეთანხმებიან და ამბობენ, რომ ნატო საქართველოს უსაფრთხოების გარანტიაა.
“პრემიერ-მინისტრი მართალია. საქართველოს სჭირდება, რომ ჰქონდეს უსაფრთხოების გარკვეული გარანტიები. სხვა გარანტია, თუ არა ნატოს წევრობა, საქართველოს არ გააჩნია. ეს ადვილი არ არის, ეს არ არის ის, რომ შეიკრიბონ და პრემიერ-მინისტრის განცხადება განიხილონ ამასთან დაკავშირებით და ხელის აწევით გადაწყვიტონ საკითხი. მსოფლიო პოლიტიკური კონიუნქტურა განაპირობებს გადაწყვეტილებებს, რომელსაც ამერიკის შეერთებული შტატები და ევროკავშირი მიიღებს,“ – განაცხადა გია ვოლსკიმ.
კომენტარები