საქართველოში ადამიანის უფლებათა დაცვის 2014-2020 წლების ეროვნული სტრატეგიის განხორციელებასთან დაკავშირებით გაერთოს განვითარების პროგრამის მიერ მხარდაჭერილი ოქტომბრის ანგარიშის თანახმად, ამ პერიოდში სახეზეა „მნიშვნელოვანი გაუმჯობესება“ ციხეების გადატვირთულობის პრობლემის მოგვარების მხრივ,- ამის შესახებ აღნიშნულია აშშ-ის სახელმწიფო დეპარტამენტის მიერ გამოქვეყნებულ ადამიანის უფლებების ყოველწლიურ ანგარიშში.
ანგარიშის თანახმდ, წლის განმავლობაში იუსტიციის სამინისტრომ შექმნა რეაბილიტაციის დეპარტამენტი, რომლის მოვალეობებში შედის სასჯელის მოხდის ინდივიდუალური დაგეგმვის და სერვისების შემუშავების დანერგვა საქმეების მენეჯმენტის პროცესში მოპოვებული მონაცემების საფუძველზე.
,,საქართველოში ადამიანის უფლებათა დაცვის 2014-2020 წლების ეროვნული სტრატეგიის განხორციელებასთან დაკავშირებით გაერთოს განვითარების პროგრამის მიერ მხარდაჭერილი ოქტომბრის ანგარიშის თანახმად, ამ პერიოდში სახეზეა „მნიშვნელოვანი გაუმჯობესება“ ციხეების გადატვირთულობის პრობლემის მოგვარების მხრივ. 2018 წლის სექტემბერში საქართველოში ვიზიტის შემდეგ წამების პრევენციის ევროპული კომიტეტის მიერ გამოქვეყნებული ანგარიშის თანახმად, მართალია, ვიზიტის ფარგლებში მონახულ ციხეებში გადატვირთვა აღარ წარმოადგენს პრობლემას, პატიმართათვის განკუთვნილი მინიმალური საცხოვრებელი სივრცე მაინც არაადეკვატურია. წლის განმავლობაში იუსტიციის სამინისტრომ შექმნა რეაბილიტაციის დეპარტამენტი, რომლის მოვალეობებში შედის სასჯელის მოხდის ინდივიდუალური დაგეგმვის და სერვისების შემუშავების დანერგვა საქმეების მენეჯმენტის პროცესში მოპოვებული მონაცემების საფუძველზე. წლის განმავლობაში, ევროკავშირის პროგრამის მხარდაჭერით, სასჯელაღსრულების დაწესებულებების ყველა თანამშრომელს ჩაუტარდა ტრენინგი სასჯელის მოხდის თანამედროვე სტანდარტებთან დაკავშირებით. სამინისტრომ ტრენინგები თავის თანამშრომლებს ასევე ჩაუტარა ციხეებში უსაფრთხოების ზომების გაუმჯობესების“,- ნათქვამია აშშ-ის სახელმწიფო დეპარტამენტის ანგარიშში.
აქვე აღნიშნულია, რომ 2018 წელს შესწავლილ საქმეთა 82%-ის შემთხვევაში ოჯახებს შეტყობინება მიეწოდათ 3 საათის განმავლობაში დაკავების შემდეგ
,,თებერვალში იუსტიციის სამინისტრომ დაიწყო სასჯელაღსრულების და დანაშაულის პრევენციის სისტემების განვითარების 2019-2020 წლების სამოქმედო გეგმის განხორციელება. სამინისტროს თქმით, გეგმაში გათვალისწინებულია როგორც წამების პრევენციის ევროპული კომიტეტის, ისე სახალხო დამცველის აპარატის ანგარიშები.
პატიმრებს, რომლებსაც, სავარაუდოდ, სისხლის სამართლის ბრალდებას წაუყენებენ, აქვთ უფლება მოითხოვონ, რომ დაკავებიდან 3 საათის განმავლობაში პროკურორმა ან გამომძიებელმა შეატყობინოს მათ ოჯახებს. ადმინისტრაციული მუხლით დაკავებული პირების ოჯახებს შეტყობინება უნდა მიეწოდოთ მოთხოვნისებრ. სახალხო დამცველის აპარატის 2018 წლის ანგარიშის თანახმად, შეინიშნება გაუმჯობესება ამ უფლების დაკმაყოფილებასთან დაკავშირებით: 2018 წელს შესწავლილ საქმეთა 82%-ის შემთხვევაში ოჯახებს შეტყობინება მიწოდათ 3 საათის განმავლობაში დაკავების შემდეგ (შედარებისთვის: მხოლოდ 71% 2017 წელს). კანონის თანახმად, მოცემულ საქმეზე მიმაგრებული პროკურორი ვალდებულია, დაამტკიცოს წინასწარ პატიმრობაში მყოფი პირის მოთხოვნა ოჯახთან დაკავშირების შესახებ“,- ნათქვამია სახელმწიფო დეპარტამენტის ანგარიშში. ~
აშშ-ის სახელმწიფო დეპარტამენტი – პარლამენტმა დაამტკიცა მართლმსაჯულების რეფორმის მე-4 ტალღა. ამ კანონში შევიდა რამდენიმე საკვანძო დებულება საერთაშორისო პრაქტიკის საფუძველზე
პარლამენტმა დაამტკიცა მართლმსაჯულების რეფორმის მე-4 ტალღა,- ამის შესახებ აშშ-ის სახელმწიფო დეპარტამენტის ანგარიშშია აღნიშნული.
ანგარიშის თანახმად, კანონში შევიდა რამდენიმე საკვანძო დებულება საერთაშორისო პრაქტიკის საფუძველზე – სასამართლო სისტემის გამჭვირვალობის, ანგარიშვალდებულების და დამოუკიდებლობის ხარისხის გაუმჯობესების მიზნით,-
,,13 დეკემბერს პარლამენტმა დაამტკიცა მართლმსაჯულების რეფორმის მე-4 ტალღა. ამ კანონში შევიდა რამდენიმე საკვანძო დებულება საერთაშორისო პრაქტიკის საფუძველზე – სასამართლო სისტემის გამჭვირვალობის, ანგარიშვალდებულების და დამოუკიდებლობის ხარისხის გაუმჯობესების მიზნით ისეთ სფეროებში, როგორიცაა მოსამართლეთა დისციპლინა, დანიშვნა და სასამართლო საქმეთა რაოდენობის მენეჯმენტი. თუმცა, ამ პაკეტის თანახმად, ინდივიდუალური მოსამართლის თანამდებობებზე შერჩევის უფლებამოსილება მიენიჭა იუსტიციის უმაღლეს საბჭოს. არასამთავრობო ორგანიზაციების გაფრთხილების თანახმად, ეს უფლებამოსილება მისცემს იუსტიციის უმაღლეს საბჭოს შესაძლებლობას, მომავალშიც იქონიოს გავლენა კონკრეტულ მოსამართლეებზე“,- ნათქვამია აშშ-ის სახელმწიფო დეპარტამენტის მიერ გამოქვეყნებულ ანგარიშში.