„ქართული ოცნების“ დეპუტატის ნიკოლოზ სამხარაძის განცხადებით, რუსეთის დუმის დეპუტატის სერგეი გავრილოვისდღევანდელი განცხადება „შალვას ფანჩატურში დაიგეგმა“.
„ჰგონიათ, რომ ამით ნიკა მელიას საქმეს გადაფარავენ. დაურეკეს გავრილოვს, ჩააწერინეს ეს ინტერვიუ. შესაბამისად ვისაც აინტერესებს გავრილოვის აზრი მანვე უსმინოს“, – განაცხადა სამხარაძემ.
„სიცრუე რომელიც იღვრება 20 ივნისის მოვლენების ინტერპრეტირებისას იღვრება ნიკა მელიას მიერ, ადასტურებს, რომ სიცრუის ხარჯზეც ცდილობენ შელახონ საქართველოს იმიჯი მისი მეზობლების თვალში“, – ეს განცხადება დუმის დეპუტატმა სერგეი გავრილოვმა „ტვ.პირველის“ ეთერში გააკეთა.
სერგეი გავრილოვის განცხადებას ნიკა მელიამ სპეციალური ბრიფინგით უპასუხა. „ნაციონალური მოძრაობის“ თავმჯდომარე აცხადებს, რომ ესაა მკაფიო ხაზი, რომლის ერთ მხარესაც გავილოვია, მეორე მხარეს კი ქართველი ხალხი.