ნიკა მელია, რაც უფრო მეტ შეურაცხმყოფელ სიტყვას იტყვის, პარლამენტში 88 მონაა თუ მხევალი და ამ ეპითეტებით დატვირთავს თავის კომენტარს, ის რეალობა არ გაქრება რაც არსებობს, – ამის შესხებ უმრავლესობის ერთ-ერთმა ლიდერმა გიორგი ვოლსკიმ ჟურნალისტებს განუცხადა.
„სწორედ მაშინ როცა პოლიტიკურად გაუჭირდა „ნაცმოძრაობას“, ჩემი აზრით გადაწყვიტეს, რომ როგორმე ნიკა მელიას თემა წამოწიონ და პოლიტიკური აჟიოტაჟი შექმნან მის გარშემო. რაც შეეხება გავრილოვს, არც მისი მოულოდნელი განცხადებები და სავარძელში ჩახტომა, არც მისი დღევანდელი განცხადებები და მოქმედებები ნიკა მელიას მხარეს აგდებს მაშველ რგოლს. ალექსეი გავრილოვმა ზუსტად იცოდა, რომელმა ტელევიზიამ დაურეკა და ის კომენტარი მისცა რაც მათ სჭირდებოდათ“, – აღნიშნა გია ვოლსკიმ.
რაც შეეხება მელიასთვის სადეპუტატო იმუნიტეტის შეჩერებას, ვოლსკის განცხადებით, ეს ითვალისწინებს სასამართლოს წინაშე წარდგომას. „ეს არ ნიშნავს რომ მისი დაცვის უფლება სასამართლოში იქნება შეზღუდული“, – აღნიშნა ვოლსკიმ.