„ქართული ოცნების“ ცენტრალურ ოფისში გამართულ ბრიფინგზე პარტიის აღმასრულებელმა მდივანმა, მამუკა მდინარაძემ განაცხადა, რომ გიორგი გახარიას გადადგომა გუნდის უმრავლესობისთვის მოულოდნელი აღმოჩნდა და საქმის კურსში მხოლოდ რამდენიმე ადამიანი იყო.
მისივე თქმით, როდესაც ქვეყანაში არის ისეთი პოლიტიკური ძალა, რომელიც ცდილობს ქვეყანაში პოლიტიკური კრიზისი შექმნას, ხელისუფლებას სწრაფი გადაწყვეტილებების მიღება მართებს.
„ამიტომ ჩვენ გიორგი გახარიას განცხადებიდან მალევე დავიწყეთ ფიქრი და ერთ-ერთი გამოკვეთილი ლიდერი პირველი წუთიდანვე იყო ირაკლი ღარიბაშვილი. შემდეგ უკვე პოლიტსაბჭოს ფორმატშიც მასზე იყო საუბარი. სხვა კანდიდატთან დაკავშირებით არ გვიმსჯელია. პოლიტსაბჭოს მხრიდან იყო ერთხმად მხარდაჭერა, შემდეგ კი უმრავლესობის მხრიდანაც“, – განაცხადა მამუკა მდინარაძემ.
კომენტარები