ჩვენ ვთანხმდებით იმაზე, რომ შექმნილი ვითარებიდან გამოსავალი პოლიტიკური დიალოგია, – ამის შესახებ პარლამენტის საგარეო ურთიერთობათა კომიტეტის თავმჯდომარემ, ნიკოლოზ სამხარაძემ ლიეტუვის სეიმის საგარეო საკითხთა კომიტეტის თავმჯდომარესთან, ჟიგიმანტას პავილიონისთან შეხვედრის შემდეგ, ჟურნალისტებს განუცხადა.
„ვისაუბრეთ საქართველოს ნატოსა და ევროკავშირში ინტეგრაციაზე და ამ მიმართულებით ლიეტუვის მხარდაჭერაზე. ასევე, ვისაუბრეთ რეგიონული უსაფრთხოების საკითხებზე, მათ შორის ბოლო თვეებში განვითარებულ მოვლენებზე და ამ მხრივ შავი ზღვის უსაფრთხოების საკითხებზე; ლიეტუვას ჩართულობაზე აღმოსავლეთ პარტნიორობის ქვეყნებთან, მთ შორის, საქართველო-უკრაინა-მოლდოვას ფორმატში; ვისაუბრეთ სტრატეგიულ მიმართულებებზე. შევეხეთ შიდაპოლიტიკურ სიტუაციას.
ჩვენ ვთანხმდებით იმაზე, რომ ამ შექმნილი ვითარებიდან გამოსავალი პოლიტიკური დიალოგია, რომ ყველა ოპოზიციური პარტია, მმართველი პარტია დასხდეს მოლაპარაკების მაგიდასთან და ერთად ვიპოვოთ გამოსავალი“, – განაცხადა სამხარაძემ.