მოლოდინი მაქვს იმდენად, რამდენადაც ირაკლისთან ერთად მიმუშავია წლების განმავლობაში და ვიცი რომ ენერგიული, მოტივირებული და მიზანმიმართული ადამიანია, ამიტომ იმედიანად ვარ, – ამის შესახებ საპარლამენტო უმრავლესობის წევრმა, დავით სერგეენკომ ირაკლი ღარიბაშვილის შესახებ განაცხადა.
მისი თქმით, დეპუტატებს დღეს აქვთ საშუალება, რომ მომავალი პრემიერ-მინისტრის ხედვები მოისმინონ.
„დღეს სხდომათა დარბაზში ძირითადი ღონისძიება მიმართული იყო კონსტიტუციის 100 წლისთავისადმი, თუმცა რა თქმა უნდა პოლიტიკური განცხადებებიც კეთდებოდა. ამ ათწუთიანი გამოსვლით რთული იქნება სუსტი ანალიზის გაკეთება, ჩვენ გვექნება დღესაც და განსაკუთრებით ხვალ დღის პირველ ნახევარში, საშუალება გვაქვს, რომ ძალიან დეტალურად მოვისმინოთ მისი ხედვა. ამ მოკლე შეფასებით, პოლიტიკური განცხადებით არასწორი იქნება რომ რამე შეფასება გავაკეთო“, – განაცხადა სერგეენკომ.