პანდემიის პირველივე დღიდან, სახელმწიფომ, ჩვენმა საზოგადოებამ, მთლიანად ხელისუფლებამ აჩვენა მაღალი პასუხისმგებლობა. ჩვენი საზოგადოებაც და საერთაშორისო თანამეგობრობაც მაღალ შეფასებას აძლევს ამ მონდომებას, მაგრამ უნდა ვაღიაროთ, რომ ეს საკმარისი არ არის, – ამის შესახებ საქართველოს პრემიერ-მინისტრობის კანდიდატმა, ირაკლი ღარიბაშვილმა პარლამენტში, ფრაქცია „ქართული ოცნების“ წევრების წინაშე სიტყვით გამოსვლისას განაცხადა.
„ვფიქრობ, ამ უმწვავესმა, გლობალურმა კრიზისმა ბევრი რამე გვაჩენა და ბევრი რამ გვასწავლა, თუნდა გვაიძულა, ახლებურად შევხედოთ საგნებსა და მოვლენებს. დღეს გვმართებს მეტი კრეატიულობა, მეტი არაორდინირებულობა, სისწრაფე გადაწყვეტილებებში. მთელ მსოფლიოში იცვლება რეალობა, ჩვენ დღეს ომში ვართ, პირდაპირი მნიშვნელობით, უხილავი მტრის წინააღმდეგ. სახეზეა უმძიმესი შედეგები, მწვავე ეკონომიკური კრიზისი. ჯერ კიდევ არ ვიცით, როდის, როგორ დასრულდება ეს პანდემია და ეს უხილავი ომი. ამიტომ, საკმარისი აღარ არის მხოლოდ წინა ხელისუფლებასთან შედარება, საჭიროა, გავაათმაგოდ ჩვენი ძალისხმევა, რათა შევძლოთ გარღვევა ეკონომიკაში და რა თქმა უნდა, ჩვენი მთავარი საზრუნავი უნდა იყოს ჩვენი მოქალაქეების კეთილდღეობა“, – განაცხადა ირაკლი ღარიბაშვილმა.