მინდა, კიდევ ერთხელ დავადასტურო ჩემი მხარდაჭერა ირაკლი ღარიბაშვილის მიმართ, რაც როგორც წარმატებული მმართველისა და უბრალოდ კარგი პიროვნების მიმართ მაქვს, – ამის შესახებ საპარლამენტო უმრავლესობის წევრმა რიმა ბერაძემ განაცხადა.
მისი თქმით, ირაკლი ღარიბაშვილი იყო ერთ-ერთი ის ადამიანი, რომელიც 2012 წელს იდგა ქვეყნის გადარჩენის სადარაჯოზე.
„თქვენ იყავით ერთ-ერთი ის ადამიანი, რომელიც ჩვენს გუნდთან ერთად 2012 წელს იდექით ქვეყნის გადასარჩენად, ქვეყნის სადარაჯოზე, სადაც გადიოდა ხაზი სიკვდილი ან გადარჩენა. იდექით მის სათავეებთან ღირსეულ ადამიანებთან ერთად და მოხვედით „ქართული ოცნების“ სახელით. ამ ღირებულებით მოდიხართ თქვენ დღეს და მადლობა მინდა გითხრათ ამისთვის. თქვენი პრემიერ-მინისტრობის პერიოდში რა შეიძლება იყოს ის დამატებითი ინიციატივა, რაც შეუმსუბუქებს პანდემიით გამოწვეულ სოციალურ მდგომარეობას და რა ტიპის შეღავათები და დამატებები უნდა გაკეთდეს იმისთვის, რომ კიდევ დავეხმაროთ და გვერდით დავუდგეთ მოსახლეობას“, – განაცხადა რიმა ბერაძემ.