მიუხედავად იმისა, რომ ჯენჭისყრაში არ ვმონაწილეობთ, ეს საქართველოს მთავრობაა და მას ვგულშემატკივრობთ. ოპოზიციიდან, ზოგიერთი ჯგუფი საუბრობს იმაზე, რომ არსებული შეზღუდვები უნდა მოიხსნას. ეს სხვა კონტექსტში უნდა განვიხილოთ. შეიძლება, მათ უნდა ხელისუფლების ჩამოშლა კოვიდის დახმარებით, – ამის შესახებ ოპოზიციური პარტია „ევროპელი სოციალისტების“ წევრმა, ფრიდონ ინჯიამ მე-10 მოწვევის პარლამენტის საგაზაფხულო სესიის რიგგარეშე სხდომაზე განაცხადა.
ფრიდონ ინჯიამ კითხვით განათლების მინისტრობის კანდიდატს, მიხეილ ჩხენკელს მიმართა და დაინტერესდა, რამდენადაა უწყება მზად 1-ლი მარტიდან სტუდენტების აუდიტორიებში დასაბრუნებლად. დეპუტატმა ყურადღება სკოლებში არსებულ ვითარებაზეც გაამახვილა.
„თბილისში 200-მდე სკოლაა და მაინტერესებს, ამ ერთი კვირის განმავლობაში, რამდენი ინფიცირებულია, რამდენი მოსწავლე დარჩა დისტანციურ სწავლებაზე. როგორც გაცხადებულია, 1-ლი მარტიდან, სწავლას სტუდენტებიც დაიწყებენ. როგორც ვით, ევროპასა და მსოფლიოში ვირუსის მესამე ტალღას ელოდებიან. რამდენად იქნება ეს გადაწყვეტილება ყველა მხრივ გათვლილი? ოპოზიციიდან, ზოგიერთი ჯგუფი საუბრობს იმაზე, რომ არსებული შეზღუდვები უნდა მოიხსნას. ეს სხვა კონტექსტში უნდა განვიხილოთ. შეიძლება, მათ უნდა ხელისუფლების ჩამოშლა ხელისუფლების დახმარებით. ამიტომ, ამ მხრივ, ძალიან ფრთხილად უნდა ვიყოთ – რამდენად აქვს განათლების სამინისტროს ეს გათვლილი“, – აღნიშნა ფრიდონ ინჯიამ.