5 ტექნოლოგია არსებობს ვაქცინის დამზადების. მათგან ორი ძველი და ტრადიციულია, როდესაც ორგანიზმში შეჰყავთ დასუსტებული ვირუსი, ამას ახლა თითქმის აღარ ხმარობენ. ახლა უფრო ხშირად შეჰყავთ ინაქტივირებული, ანუ დახოცილი ვირუსი. ორივე ჩინური ვაქცინა Sinovac-ი და Sinopharm-ი, ეკუთვნის ამ დახოცილ ვირუსებს, ანუ ძველი ტრადიციული ტექნოლოგიას, ამიტომაც არის უსაფრთხო, – ამის შესახებ ინფექციური საავადმყოფოს დირექტორმა, თენგიზ ცერცვაძემ „ქრონიკაში“ ისაუბრა
„არის ორი ახალი ტექნოლოგია ე.წ. ვექტორული, რომელსაც მიეკუთვნება AstraZeneca და Jonson &Jonson-ი და რუსული ვაქცინა „სპიტნიკი“, რომლის დროსაც ისევ შეჰყავთ ისევ სხვა ვირუსი. ადენოვირუსი, რომელიც არის უწყინარი ვირუსი, ამ ადენოვირუსში ჩანერგავენ ინფორმაციას კორონავირუსის ცილების მისაღებად, ადენოვირუსს შეუყვანენ ორგანიზმს, ადენოვირუსი იშლება, გამოათავისუფლებს ინფორმაციას, ხდება ისევ კორონავირუსის ცილების წარმოება და შემდეგ ანტისხეულების
ყველაზე ახალი არის Moderna-სა და Pfizer-ის ტექნოლოგია ისევ შეჰყავთ კორონავირუსის გენეტიკური ინფორმაცია, კერძოდ მესენჯერული რნმ-ი, მაგრამ არა სხვა ვირუსის საშუალებით, არამედ სპეციალურ გარსში ჩასმული რნმ-ი შეჰყავთ
არსებპბს მეხუთე შუალედური ტექნოლოგიაც, რომელიც ჩემთვის და ბევრი ექსპერტისთვის მეტი სიმპათიით სარგებლობს. ამ მეთოდს იყენებს ამერიკული კომპანია Novavax-ი და მიმაჩნია, რომ ეს იქნება ყველაზე კარგი ვაქცინა, როდესაც შეჰყავთ არა ვირუსი, არც ცოცხალი არც დახოცილი, არამედ ვირუსისგან გაწმენდილი, გამოტანილი ცილები. ეს არის ანალოგი იმისა, როგორიც არის გრიპის ვაქცინა. მიმაჩნია, რომ როდესაც Novavax-ის ვაქცინა გამოვა ბაზარზე და საქართველოს უკვე შეკვეთილი აქვს 1 მილიონი, ის ავტორიზაციას მიიღებს ივნის-ივლისში, ის იქნება ყველაზე კარგი ვაქცინა იმიტომ, რომ ის იქნება ამ შუალედური ტექნოლოგიით დამზადებული, ის იქნება უსაფრთხო და დაახლოებით 90-95%-იანი“, – განაცხადა ცერცვაძემ.