რა თქმა უნდა ეს არის პირდაპირ შეთქმულება სახელმწიფოსა და ეკლესიის წინააღმდეგ, – ასე შეაფასა საქართველოს პრემიერ-მინისტრმა, ირაკლი ღარიბაშვილმა სავარაუდო ფარული მიყურადების გზით პოლიტიკოსების, სასულიერო პირებისა და ჟურნალისტების მოსმენის თაობაზე ინტერნეტ სივრცეში გავრცელებული მასალები.
„ეს არის შეთქმულება ჩვენი დესტრუქციუ8ლი ოპოზიციისა და სააკაშვილის მიერ. სამწუხაროდ იკვეთება სხვა მოღალატეების კვალიც. ეს არ პირდაპირი მტრობა ეკლესიისა და მღვდელმთავრების წინააღმდეგ. მცდელობა მათი დისკრედიტაციის, ეს არის შეთქმულება ჩვენი სახელმწიფს წინააღმდეგ რაც არის დაუშვებელი და სახელმწიფო კანონის სახელით გასცემს პასუხს და ყველას და ყველაფერს სახელს დაარქმევს“, – განაცხადა ირაკლი ღარიბაშვილმა.
ინტერნეტში სავარაუდო ფარული მიყურადების გზით პოლიტიკოსების, სასულიერო პირებისა და ჟურნალისტების მოსმენის თაობაზე მასალები გავრცელდა.
საქართველოს პროკურატურაში მედიასაშუალებების მიერ ფარულ ჩანაწერებთან დაკავშირებით გავრცელებულ ინფორმაციაზე გამოძიება დაიწყო.