დავით მაღრაძის თქმით, “ქართული ოცნება” ირაკლი ღარიბაშვილის ხელმძღვანელობით დიდ გამოწვევებს ართმევს თავს.
“ვფიქრობ რაც ივანიშვილმა დისტანცირება მოახდინა ხელისუფლებიდან, ამ გუნდმა უფრო მეტად ირწმუნა საკუთარი ძალის და ირაკლი ღარიბაშვილის ხელმძღვანელიბით გაართვა თავი ქვეყნის მართვას. დიდ გამოწვევებს ართმევს თავს როგორც საგარეო ასე საშინაო პოლიტიკის კუთხით.
შარლ მიშელის დოკუმენტიდან გასვლა, სესხზე უარის თქმა – ეს არის დამოუკიდებლობისკენ გადახრილი ვექტორი. ამით “ქართული ოცნების” გუნდმა დაიბრუნა მართვის სადავეები, სწორი ნაბიჯი გადადგა” – განაცხადა დავით მაღრაძემ.
გადაცემაში ცნობილმა პოეტმა ასევე ისაუბრა კახა კალაძის შესახებ.
“რაც შეეხება კახი კალაძეს, ვუყურე დებატებს და ერთადერთი კალაძე იყო თანხვედრაში ეპოქასთან და კალენდართანაც.
მან საქმის ორგანიზებას, პრიორიტეტების მიგნებას და ზრუნვას გაართვა თავი ღარიბაშვილთან ერთად” – განაცხადა პოეტმა.