ჩემთვის ყველაზე მაგარი კვლევა და საზომი თუ როგორი მხარდაჭერა მაქვს ადამიანების მხრიდან, ესაა ყოველდღიური კომუნიკაცია მოსახლეობასთან და შეხვედრები, – ამის შესახებ თბილისის მერობის კანდიდატმა კახა კალაძემ ჟურნალისტებს „გორბის“ კვლევის შეფასებისას განუცხადა.
„მეამაყება და ბედნიერი ვარ, რომ ამხელა თანადგომა მაქვს თბილისელების მხრიდან. რა თქმა უნდა ეს ყველაფერი არჩევნებშიც აისახება. დარწმუნებული ვარ გამარჯვებას პირველ ტურში მოვიპოვებთ ყოველგვარი პრობლემების გარეშე“,- აღნიშნა კახა კალაძემ.
„გორბის“ კვლევის თანახმად, გამოკითხულთა 49,6% მხარს „ქართულ ოცნებას“ უჭერს, 25,9% კი „ნაცმოძრაობას“. თბილისის მერის არჩევნებში კახა კალაძეს გამოკითხულთა 53,6%; ნიკა მელიას კი 27,7% აძლევს ხმას.
კომენტარები