„მიხეილ სააკაშვილი არის ის ავანტიურისტი, რომელსაც ყველა მართავს საქართველოს წინააღმდეგ”, – ამის შესახებ საპროცედურო საკითხთა და წესების კომიტეტის თავმჯდომარემ, ირაკლი ქადაგიშვილმა პარლამენტის პლენარულ სხდომაზე განაცხადა.
„მიხეილ სააკაშვილი არის ის ავანტიურისტი, რომელსაც ყველა მართავს საქართველოს წინააღმდეგ და ამას უნდა მიხვდეს პოლიტიკური კლასიც და, რა თქმა უნდა, ამას ხედავს საქართველოს მოსახლეობაც. ისევე, როგორც ყველა ავტორიტარიზმი მოდის კეთილი სიტყვით, რეფორმებითა და ამთავრებს სრული ძალაუფლებით, და ამ ძალაუფლების ტკბობით და მერე საშინელებებით, და მერე აი ამ „სტოკჰოლმის სინდრომით” იმორჩილებს საზოგადოების გარკვეულ ნაწილს, აი ეს სურათი გვაქვს ჩვენ დღეს, რომელსაც ჩვენ აუცილებლად მოვერევით, ეს დასრულდება და კარგად დაიმახსოვრეთ ეს ამბავი”, – განაცხახა ქადაგიშვილმა.
მანვე, ოპოზიციონერი დეპუტატების ნაწილის შეფასებას უპასუხა.
“როცა ოპოზიციონერი დეპუტატების ნაწილი ამბობს, არ ზის თურმე „ნაციონალური მოძრაობა” ამ დარბაზში და რატომ ლაპარაკობენ მასზეო, „ეს არის კიდევ ერთი ნათელი მაგალითი იმის, თუ როგორია „პოლიტიკური ინფანტილიზმი”, – განაცხადა ქადაგიშვილმა.