დამოუკიდებლობის დღის აღსანიშნავად, 26 მაისს აჭარის ყველა მუნიციპალიტეტში დაგეგმილია სადღესასწაულო ღონისძიებები, მრავალფეროვანი აქტივობები, გამოფენები და კონცერტები. აჭარის მთავრობის თავმჯდომარემ თორნიკე რიჟვაძემ ბათუმში ანბანის კოშკთან საქართველოს დამოუკიდებლობის აღსანიშნავად გამოფენილი სამხედრო ტექნიკა დაათვალიერა.
„პირველ რიგში მსურს ჩვენს ქვეყანას, ქართველ ხალხს მივულოცო საქართველოს დამოუკიდებლობის დღე და ბევრი გამარჯვება ვუსურვო ჩვენს ევროპულ მისწრაფებებში. აჭარა განსაკუთრებით აღნიშნავს ქვეყნის დამოუკიდებლობის დღეს. დაგეგმილია ღონისძიებები როგორც ბათუმში მთელი დღის განმავლობაში, ასევე კვირეული მუნიციპალიტეტებში და დარწმუნებული ვარ, როგორც ბათუმელები, ასევე აჭარის თითოეული მცხოვრები, სტუმრები, შესაბამისად აღნიშნავენ ჩვენი ქვეყნისთვის ამ უმნიშვნელოვანეს დღეს“, – აღნიშნა რიჟვაძემ.