ნაძალადევის რაიონში დაზიანებული საპარკე ინფრასტრუქტურის რეაბილიტაცია გრძელდება

მიმდინარე წლის განმავლობაში ნაძალადევის რაიონში სკვერების დაზიანებული ინფრასტრუქტურის აღდგენა-შეკეთება 29 მისამართზე განხორციელდა. მათ შორის, საბავშვო გასართობი მოედნები სრულად განახლდა:
ზღვისუბნის მე-3 მ.რ. მე-4 კვ. N59 კორპუსის მიმდებარედ;
ზღვისუბნის მე-3 მ.რ მე-5 კვ. N3 კორპუსთან;
ზღვისუბნის მე-4 კვ. N7 კორპუსის მიმდებარედ.
სამივე მისამართზე კაუჩუკის საფარი მოეწყო, დაზიანებული ატრაქციონები შეკეთდა და რამდენიმე ახალი კონსტრუქცია დამონტაჟდა. ასევე, N7 კორპუსთან უსაფრთხოების მიზნით ლითონის მოაჯირი დამონტაჟდა.
აღნიშნული ტენდერის ფარგლებში, სამ ფიტნეს ზონასაც ჩაუტარდა რეაბილიტაცია. აგრეთვე, ერთ მისამართზე სარწყავი სისტემა მოეწყო და ხუთ სკვერში ძველი, ამორტიზებული ატრაქციონების დემონტაჟი განხორციელდა.
შესრულებული სამუშაოების ჯამური ღირებულება 184 541 ლარია. საპარკე ინფრასტრუქტურისა და ფურნიტურის აღდგენა-შეკეთებას ნაძალადევის რაიონის გამგეობა მომავალშიც გააგრძელებს.