დღეს სვეტიცხოვლის ეზოში „ტვ პირველის“ ჟურნალისტმა, სასულიერო პირებს ბანდიტები უწოდა, – ამის შესახებ საქართველოს საპატრიარქოს საზოგადოებასთან ურთიერთობის სამსახურის უფროსი ანდრია ჯაღმაიძე, სოციალურ ქსელში წერს.
ამასთან, როგორც ჯაღმაიძე აღნიშნავს, „ფორმულას“ და „მთავარი არხის“ ჟურნალისტმა ტაძრის შინაგანაწესის დაცვაზე და პრესისთვის განკუთვნილ ზონაში ადგილის დაკავებაზე უარი განაცხადეს.
„დღეს სვეტიცხოვლის ეზოში „ტვ პირველის“ ჟურნალისტმა, სასულიერო პირებს ბანდიტები უწოდა. ინციდენტი მოხდა, როდესაც ის პატრიარქის კელიისკენ ბარიერის გარღვევას ცდილობდა და ამის საშუალება არ მისცეს.
მანამდე „ფორმულას“ და „მთავარი არხის“ ჟურნალისტმა, მიუხედავად არაერთგზის მითითებისა, ტაძრის შინაგანაწესის დაცვაზე და პრესისთვის განკუთვნილ ზონაში ადგილის დაკავებაზე უარი განაცხადეს“, – წერს ჯაღმაიძე Facebook-ზე.