ოზურგეთში ექადიის ტყე-პარკის რეაბილიტაცია დაიწყო.
„როგორც დაგპირდით, დავიწყეთ კიდევ ერთი ახალი რეკრეაციული სივრცის, ექადიის ტყე-პარკის რეაბილიტაცია, სადაც უნიკალური ეკოსისტემაა. მჯერა, ეს ადგილი ჩვენს ქალაქში ყველა თაობის ადამიანისთვის გახდება ერთ-ერთი საუკეთესო ლოკაცია დასვენებისა და განტვირთვისთვის“, – განაცხადა ოზურგეთის მერმა, ავთანდილ თალაკვაძემ.
არსებული ლანდშაფტის, მწვანე ნარგავების სრული დაცვითა და შენარჩუნებით, მოეწყობა რეკრეაციული ზონები, გაკეთდება სასეირნო ბილიკები, განთავსდება დასასვენებელი სკამები და დამონტაჟდება ლამპიონები; პარკი სანაპიროს ქუჩას საფეხმავლო ხიდით დაუკავშირდება.
პროექტი საპილოტე რეგიონების ინტეგრირებული განვითარების პროგრამის ფარგლებში ხორციელდება და მისი ბიუჯეტი 1 მილიონ ლარზე მეტს შეადგენს.
კომენტარები