ბათუმის საკრებულოს „ნაციონალური მოძრაობის“ ფრაქციის თავმჯდომარის თანამდებობა ლაშა კილაბერიამ დატოვა. ის საზღვარგარეთ იმყოფება. პარტიაში მიზეზებზე არ საუბრობენ.
გავრცელებული ინფორმაცია, რომ კილაბერიას წასვლა პარტიაში შიდა დაპირისპირებას უკავშირდება, ნოდარ დუმბაძემ უარყო. ფრაქციის თავმჯდომარის თანამდებობა კილაბერიას შემდეგ სწორედ დუმბაძემ დაიკავა.
„ლაშა კილაბერიამ რამდენიმე დღის უკან განაცხადა, რომ ტოვებდა აღნიშნულ თანამდებობას. რაც საკრებულოდან წასულა, არ პარტიიდან. მხოლოდ დაკავებული თანამდებობიდან გადადგა. ჩვენთან განმარტა, რომ ქვეყნიდან წასვლას აპირებს“, – განაცხადა დუმბაძემ.
გავრცელებული ინფორმაციით, კილაბერია გეგმავს პარტია და საკრებულოც დატოვოს. კილაბერია „ქრონიკის“ ზარებს არ პასუხობს, თუმცა ჟურნალისტს შეტყობინება გამოუგზავნა, რომელშიც წერს, რომ არსად წასულა და საკრებულოში რჩება