„ღვინის დღეებს“ ამჯერად ყვარელი მასპინძლობს.
ილია ჭავჭავაძის მუზეუმის მიმდებარე ტერიტორიაზე მეწარმეებმა საკუთარი პროდუქცია გამოფინეს, რომლის დეგუსტაციის შესაძლებლობა ყველა სტუმარს აქვს.
ფესტივალის ფარგლებში, ჩურჩხელების ამოვლებაში, ჭაჭის გამოხდასა და პურის ცხობაში მასტერკლასებიც გაიმართება. ასევე, ტარდება გამოფენა „800 წლიანი უწყვეტი ტრადიცია“, სადაც 50-ზე მეტ მეწარმეს თავისი პროდუქცია აქვს წარდგენილი.
გარდა ამისა, დღის მეორე ნახევრიდან გასართობი და შემეცნებითი ღონისძიებებია დაგეგმილი.
კომენტარები